Stjórn Vina Vatnajökuls úthlutar styrkjum árlega. Auglýst hefur verið eftir styrkumsóknum frá byrjun ágúst til loka september. Úthlutun styrkja hefur verið í desember ár hvert.  

Leiðbeiningar fyrir umsækjendur:

Leiðbeiningar fyrir umsækjendur um styrki

1. Hvað styrkja samtökin?

 Vinirnir vilja setja í forgang verkefni sem stuðla að:

• Aukinni þekkingu almennings á náttúru og sögu Vatnajökulsþjóðgarðs
• Samspili byggðarlaga innan þjóðgarðsins
• Aukinni fræðslu og rannsóknum í Vatnajökulsþjóðgarði og grenndarsamfélagi hans
• Samspili útivistar, menningar og Vatnajökulsþjóðgarðs
• Tengslum barna og unglinga við náttúruna
• Auknum skilningi umheimsins á mikilvægi Vatnajökulsþjóðgarðs og einstakri náttúru hans á heimsvísu
• Eflingu samkenndar um mikilvægi Vatnajökulsþjóðgarðs fyrir nærliggjandi byggðir og alla landsmenn
• Sjálfbærri ferðaþjónustu

• Almennan rekstrarkostnað stofnana, félaga eða fyrirtækja

• Einstaklinga vegna greiðslu skólagjalda, námsdvala eða skólaferðalaga

3. Hverjir geta sótt um styrk?

Einstaklingar, samtök/tengslanet og bæði einkareknar og opinberar stofnanir, geta sótt um styrki. Umsækjendur mega búa hvort heldur er innan eða utan Íslands.

Þegar fleiri en einn aðili standa að verkefni, er það umsjónaraðili verkefnisins sem sækir um styrkinn, ekki einstakir aðilar að verkefninu.

4. Veitir sjóðurinn styrki til verkefna sem unnin eru reglulega?

VINIR VATNAJÖKULS styrkja fyrst og fremst einstök verkefni. Þ.e. verkefni sem ekki eru endurtekin reglulega eða hafa verið unnin áður. Ef um endurtekin verkefni er að ræða t.d. árlega viðburði mun úthlutunarnefnd meta í hverju tilfelli hvort styrkja eigi verkefnið.

5. Hvenær og hvernig er sótt um?

Umsækjendur fylla út rafrænt umsóknareyðublað á vefsíðu samtakanna. Umsókn skulu fylgja gögn með greinagóðri lýsingu á verkefninu og rökstuðningur á því hvernig það uppfyllir markmið VINA VATNAJÖKULS. Jafnframt skal fylgja umsókn, verk- og kostnaðaráætlun, sem og tilskilin leyfi þegar við á. Umsækjendur geta látið öll gögn og upplýsingar sem þeir telja að séu umsókn sinni til framdráttar, fylgja. Úthlutunarnefnd samtakanna getur kallað eftir frekari munnlegum eða skriflegum skýringum á umsóknum.

Stjórn VINA VATNAJÖKULS auglýsir eftir umsóknum um styrki í dagblöðum og á vefsíðu samtakanna. Að jafnaði skal úthlutað úr sjóðnum einu sinni á ári. Stjórn VINA VATNAJÖKULS getur ákveðið hverju sinni í auglýsingu, hvers konar verkefni hljóti styrki.

Umsóknarfrestur rennur út á miðnætti 2. október 2011.

6. Er hægt að sækja um styrk til sama verkefnis oftar en einu sinni?

Hafi verkefni fengið synjun um styrk frá samtökunum, stendur umsækjendum til boða að sækja aftur um styrk fyrir umrætt verkefni. Einungis má sækja tvisvar um styrk fyrir sama verkefnið. Ákvörðun stjórnar um styrkveitingu er ekki hægt að kæra, né verður henni breytt.

7. Hvernig eru styrkir veittir?

Styrkir eru greiddir út í tveimur áföngum. Helmingur upphæðar við formlega afhendingu styrkja og helmingur þegar styrkþegi skilar lokaskýrslu til samtakanna. Ef um háa styrki er að ræða geta samtökin tekið ákvörðun um að fjölgað áfangagreiðslum.

8. Hver eru fjárhagsleg skilyrði?

Eigin fjárfesting

Samtökin styrkja verkefni fyrst og fremst að hluta og því eru styrkir almennt ekki hærri en 50% af heildarkostnaði verkefnis. Öll verkefni verða því að útvega fjármagn eftir öðrum fjármögnunarleiðum eða leggja til eigið fé. Meta má vinnuframlag til fjár að því marki sem samtökin telja raunhæft til þess að hægt sé að vinna verkefnið. Umsókn skal innihalda útreikninga á eigin vinnuframlagi í meðfylgjandi fjárhagsáætlun.

Stjórn og/eða framkvæmdastjóri Vina Vatnajökuls hefur eftirlit með því, að styrkur sé notaður samkvæmt upplýsingum í umsókn. Styrkþega er skylt að kynna framkvæmdastjóra stöðu verksins, sé þess óskað og afhenda umbeðin gögn samtökunum að kostnaðarlausu.

9. Hver er tímarammi á framkvæmd verkefnis?

Verkefnið skal framkvæma innan tólf mánaða frá því að styrkveiting er samþykkt. Möguleiki er að sækja um verkefni til tuttugu og fjögurra mánaða, ef slíkt verkefni er samþykkt þá þarf styrkþegi að skila inn skýrslu eftir fyrstu  12 mánuðina og sækja um fyrir seinna 12 mánuðina við næstu úthlutun  Ef skilyrði um tímaramma verkefnis eru ekki uppfyllt getur stjórn samtakanna endurkallað styrk.  Hægt er að sækja um frest á verklokum til skrifstofu samtakanna. Umsókn þar að lútandi þarf að vera skrifleg og rökstudd. Stjórnin og/eða framkvæmdastjóri getur óskað eftir áfangaskýrslum, ef þurfa þykir. Hægt er að svipta umsækjanda styrk, telji stjórnin, að verkið sé ekki unnið í samræmi við umsókn og innsend gögn.                                                                                                                                                                                                            

10. Birting

Upplýsingar um umsækjendur, veitta styrki og lokaskýrslur eru opinber gögn. Þau má birta á vefsíðu samtakanna sem og annarsstaðar. Skilyrði fyrir styrkveitingu er að birta merki (lógó) Vina Vatnajökuls á öllu efni sem samtökin styrkja. Reglur um meðferð merkis Vinanna má sjá hér á vefsíðu samtakanna undir „Merki Vina Vatnajökuls“. Vina Vatnajökuls skal getið í allri umfjöllun um þau verkefni sem Vinirnir styrkja. Styrkþegi sem ákveður að þiggja styrk samtakanna skal gerast Vinur Vatnajökuls.

11. Samningur um styrkveitingu

Þegar styrkur er veittur skrifa fulltrúi VINA VATNAJÖKULS og styrkþegi undir samning sem kveður á um gagnkvæmar skyldur styrkþega og samtakanna í samræmi við ofangreindar reglur.

12. Verkaskipting faghópa

 Umsóknir eru metnar af hópum sérfræðinga og er það umsækjenda að velja matshóp sem hentar best þeirra umsókn. Samstarf er á milli hópa þannig að ef umsóknir tengjast hugsanlega fleiri en einum hópi þá geta umsóknir verið metnar af fleiri faghópum en einum. Umsækjendur velja sjálfir þann faghóp sem þeir telja að henti best til mats á viðkomandi umsókn.

Faghópar: Rannsóknir – Kynning - Fræðsla

Rannsóknir

Faghópur með þekkingu á rannsóknarvinnu og úrvinnslu rannsóknargagna tekur til umfjöllunar verkefni sem varða: Náttúru-, félagsfræði- og mannfræðirannsóknir. Fleiri gerðir rannsókna geta fallið undir þennan flokk.

Kynning

Hópur aðila með þekkingu á hönnun kynningarefnis, vali markhópa og markaðssetningu mun fjalla um umsóknir í þessum flokki.

Fræðsla

Faghópur með þekkingu á fræðslugildi, gerð og framsetningu fræðsluefnis metur umsóknir í þessum flokki.

Senda grein