15.4.2012

Opinn fundur um Ríó+20 ráðstefnuna um sjálfbæra þróun

Mánudaginn 16. apríl næstkomandi

Yfirskrift fundarins á mánudag er „Leiðin til Ríó: Sjálfbær þróun og tækifæri græns hagkerfis“ en að honum standa utanríkisráðuneyti, umhverfisráðuneyti, Stofnun Sæmundar fróða um sjálfbæra þróun og þverfræðilegar rannsóknir, Alþjóðamálastofnun og Félag Sameinuðu þjóðanna á Íslandi.

Svandís Svavarsdóttir umhverfisráðherra, ávarpar fundinn og tekur þátt í pallborði í lok hans, en hún mun leiða íslensku sendinefndina á Ríó+20 í sumar. Auk hennar flytja erindi Auður Ingólfsdóttir sviðstjóri á félagsvísindasviði Háskólans á Bifröst undir yfirskriftinni „Hverju breytti Ríófundurinn '92 – hin grýtta leið frá hugmyndum til breyttrar hegðunar“, Ragnheiður Elfa Þorsteindóttir frá utanríkisráðuneytinu gefur innsýn í undirbúning Íslands og samningaviðræður vegna Ríó+20, Dr. Jón Ágúst Þorsteinsson framkvæmdastjóri Marorku flytur erindi um tækifæri græns atvinnulífs og  Lúðvík E. Gústafsson um Ríó+20 og sjálfbæra þróun frá sjónarhóli sveitarfélaganna. Skúli Helgason formaður nefndar Alþingis um græna hagkerfið flytur erindi og loks mun Árni Finnson fara yfir væntingar frjálsra félagasamtaka til Rio+20.

Fundarstjóri verður Dr. Guðrún Pétursdóttir.

Í lok fundarins munu fara fram pallborðsumræður með þátttöku allra stjórnmálaflokka. Fundurinn fer fram í stofu 101 í Odda í Háskóla Íslands, frá klukkan 09:00-12:00. Allir velkomnir.

Dagskrá
Leiðin til Ríó
- sjálfbær þróun og tækifæri græns hagkerfis -

Utanríkisráðuneyti, umhverfisráðuneyti, Stofnun Sæmundar fróða um sjálfbæra þróun og þverfræðilegar rannsóknir, Alþjóðamálastofnun og Félag Sameinuðu þjóðanna á Íslandi boða til opins fundar um Ríó+20, ráðstefnu Sameinuðu þjóðanna um sjálfbæra þróun, sem fram fer í Ríó de Janeiro í júní n.k. Á Ríó+20 verður áhersla m.a. lögð á endurnýjuð pólitísk heit og græna hagkerfið sem leið að sjálfbærri þróun.
Fundurinn verður haldinn þann 16. apríl n.k. frá 9:00 til 12.00
Staðsetning: Oddi-01, Háskóla Íslands
Dagskrá:

Fundarstjóri Guðrún Pétursdóttir, forstöðumaður Stofnunar Sæmundar fróða.
09.00-09.10 Ávarp umhverfisráðherra Svandísar Svavarsdóttur
09.10-09.20 Undirbúningur vegna Ríó + 20. Ragnheiður Elfa Þorsteinsdóttir, deildarstjóri umhverfis- og auðlindaskrifstofu utanríkisráðuneytis
09.20-09.35 Græna hagkerfið – atvinnustefna fyrir 21. öldina. Skúli Helgason alþingsmaður og formaður nefndar Alþingis um grænt hagkerfi
09.35-09.50 Íslensk sveitarfélög á leið til lífvænlegar framtíðar. Lúðvík E. Gústafsson, Sambandi íslenskra sveitarfélaga
09.50-10.10 Kaffihlé
10.10-10.35 Hverju breytti Ríófundurinn '92 – hin grýtta leið frá hugmyndum til breyttrar hegðunar. Auður Ingólfsdóttir sviðstjóri félagsvísindasviðs Háskólans á Bifröst
10.35-10.50 Grænt atvinnulíf – vöxtur og tækifæri. Jón Ágúst Þorsteinsson, framkvæmdastjóri Marorku
10.50-11.00 Ríó+20 - hvað þarf til? Árni Finnson, Náttúruverndarsamtökum Íslands
11.00-11.50 Pallborðsumræður: Umhverfisráðherra Svandís Svavarsdóttir og fulltrúar stjórnmálaflokka: Illugi Gunnarsson Sjálfstæðisflokki, Skúli Helgason Samfylkingu, Birgitta Jónsdóttir Hreyfingunni og Vigdís Hauksdóttir Framsóknarflokki.
11.50-12.00 Samantekt fundarstjóra og fundarslit.

Senda grein

Hér getur þú tekið þátt!