Um næstu helgi verður haldin alþjóðleg ráðstefna í Háskóla Íslands til heiðurs Sigfúsi Johnsen jöklafræðingi
Ráðstefnan er haldin í tilefni af 70 ára afmæli Sigfúsar
Á föstudag og laugardag flytja íslenskir og erlendir jarðvísindamenn erindi í Hátíðasal Háskóla Íslands. Aðgangur er öllum heimill en fyrirlestrarnir verða fluttir á ensku. Á sunnudag verður svo sérstök dagskrá fyrir almenning í fyrirlestrasalnum í Öskju, Náttúrufræðahúsi HÍ undir yfirskriftinni; ,,Leyndardómar Grænlandsjökuls: Vitnisburður ískjarna, setlaga og jökla um loftslagsbreytingar og eldgosasögu." Dagskrá sunnudagsins 29.08 má sjá hér fyrir neðan.
Sigfús Johnsen eðlis- og jöklafræðingur við Hafnarháskóla er einn af kunnustu vísindamönnum Íslendinga um þessar mundir. Hann hefur starfað að borunum og rannsóknum á ískjörnum úr Grænlandsjökli um 40 ára skeið og hafa þær skilað einstökum niðurstöðum um loftslagssögu norðurhvels jarðar sl. 125.000 ár.
Ráðstefnan er skipulögð í sameiningu af Háskóla Íslands, Kaupmannahafnarháskóla, Veðurstofu Íslands og Dansk-íslenska félaginu
Dagskrá:
| Sunnudagur 29. ágúst. Fyrirlestrasalurinn í Öskju, Náttúrufræðahúsi Háskólans | ||
| Leyndardómar Grænlandsjökuls: Vitnisburður ískjarna, setlaga og jökla um loftslagsbreytingar og eldgosasögu | ||
| 13:30-13:40 | Setning | |
| 13:40-14:10 | Sigfús Johnsen: Ískjarnaboranir á Grænlandi og veðurfarssaga sl. 150,000 ára | |
| 14:10-14:40 | Þorsteinn Þorsteinsson: Punktar frá Grænlandsborunum | |
| 14:40-15:10 | Jón Eiríksson: Sjávarsetlög, hafstraumar og loftslag við Ísland á umliðnum öldum | |
| 15:10-15:30 | Kaffihlé | |
| 15:30-16:00 | Áslaug Geirsdóttir: Vitnisburður vatnasets um veðurfar á Íslandi eftir ísöld | |
| 16:00-16:30 | Karl Grönvold og Annette Mortensen: Eldgosasaga Íslands rakin í ískjörnum úr Grænlandsjökli | |
| 16:30-17:00 | Guðfinna Aðalgeirsdóttir: Framtíð Grænlandsjökuls í hlýnandi loftslagi | |
