Hlutverk og markmið

Markmið VINA VATNAJÖKULS er að afla fjár til að styrkja rannsóknir, kynningar- og fræðslustarf sem stuðlar að því að sem flestir geti notið náttúru og sögu Vatnajökulsþjóðgarðs.

Hlutverk og markmið samtakanna í hnotskurn

• Að afla fjár til að styðja við rannsóknir, kynningar- og fræðslustarf um  Vatnajökulsþjóðgarð með það að markmiði að auka þekkingu almennings og stuðla að því að sem flestir geti notið náttúru og sögu Vatnajökulsþjóðgarðs.

• Að stuðla að uppbyggingu Vatnajökulsþjóðgarðs í samráði við stjórn þjóðgarðsins og með samstarfi við hagsmunaaðila, innlenda og erlenda.

• Að efla fræðslu og rannsóknir í Vatnajökulsþjóðgarði og næsta umhverfi hans.

• Að styrkja verkefni sem stuðla að samspili Vatnajökulsþjóðgarðs og samfélagsins.
• Að beita áhrifum sínum til að efla samkennd um mikilvægi Vatnajökulsþjóðgarðs fyrir nærliggjandi byggðir og alla landsmenn.

• Að efla skilning umheimsins á mikilvægi Vatnajökulsþjóðgarðs og einstakri náttúru hans á heimsvísu.
  

VINIR VATNAJÖKULS sækjast eftir samstarfi við önnur félagasamtök, stofnanir, fyrirtæki og einstaklinga sem vinna að sömu eða hliðstæðum markmiðum.