Markmið

Markmiðið er að kynna Vatnajökul og einstaka svæði hans fyrir almenningi með því að gera gönguleið umhverfis jökulinn. Verkefni Ferðafélags Íslands er í samstarfi við Vatnajökulsþjóðgarð, Vini Vatnajökuls, sveitarfélög og ferðafélög. Verkefnið miðar að því að gengið verði umhverfis Vatnajökul í 6 áföngum og almenningi boðin þátttaka í ferðunum en þó hámarksfjölda í hverjum leiðangri.  Undirbúningsvinna við verkefnið er þegar hafin og fyrsti leiðangur verður farinn í maí 2012. Hver leiðangur stendur í 4 - 6 daga. Sett verða upp sex skilti. Mun hvert þeirra dekka ákveðið svæði og ná svæðin til samans umhverfis allan jökulinn.  Ljós er að verkefnið mun þróast og vaxa á meðan á því stendur og í framhaldi verði ráðist í að styrkja svæðið enn frekar sem ferðamannasvæði, þá meðal annars  með frekari uppbyggingu á aðstöðu og leiðum, t.d. brúargerð eða byggingu skála, salernisaðstöðu, gerð tjaldstæða og svo framvegis eftir því sem skipulag svæðisins leyfir. Verkefnið verður kynnt almenningi. Til lengri tíma mun verkefnið styrkja ferðaþjónustu og möguleika á svæðinu.