Vinir Vatnajökuls
Um verkefnið
Ár 2017
Fjárhæð 1.000.000
Umsækjandi Óbyggðasetur ehf.
Stjórnandi Steingrímur Karlsson
Lengd verkefnis 1 ár
Fyrra verkefni Næsta verkefni

Markmið

Verkefnið felst í að hanna og framleiða nýstárlega hljóðleiðsögn og fjölbreytta miðlun utandyra. Í hljóðleiðsögninni verður spilað á skilningarvit sýningargesta með áhrifahljóðum, tónlist og ólíkum leikröddum sem gerir upplifunina ævintýralega og lifandi, þar sem gestir fikra sig um sjónrænar uppsetningar sýningarinnar. Fólk fær í hendur handsmíðuð tæki sem líta út eins og gamall áttaviti en eru í raun “dulbúin” hljóðtölva sem leiðir fólk áfram frá einum sýningarþætti til annars. Þannig fá gestir fræðslu gegnum upplifun beint í æð. Þetta eykur einnig möguleika á miðlun á fjölda tungumála og styrkja rekstur setursins. Þegar hefur verið smíðað frumeintak af hljóðleiðsagnartækinu og teknir upp og hljóðblandaðir bútar sem gefa skýra mynd af útkomu verkefnisins . Einnig snýr verkefnið að því að bæta þáttum við útisýningu setursins, til að skapa enn sterkari tengingu við hálendið. Þar má nefna útilegumannaskúlptúr á heiðarbrúninni og gamlan Willisjeppa sem segir á lifandi máta sögu fyrstu jeppaferðanna um óbyggðir.

 

 

Markmið samtakanna er að afla fjár til að styrkja rannsóknir, kynningar- og fræðslu á þjóðgarðssvæðinu og stuðla þannig að því að sem flestir geti notið náttúru og sögu Vatnajökulsþjóðgarðs.